LSPS 升LSC率

jennylady

原來之前咁多討論講LS vs 友校
我作為LSPS 家長
其實我真係覺得LSPS 算好好，
一間免費學校可以同友校直資媲美

我地係津校資源真係少d
校隊亦減少左（棋隊）
但活動少我唔認同
我見身邊的同學個個好多活動好忙碌
我地兩年一的variety show 都好好玩
PTA 亦有不少活動（自費）
可能比直資少，但已經足夠令到小朋友十分忙
再多活動，小朋友都無咁多時間啦

試後活動比起直資真的是比較差（我女讀直資）
一分錢一分貨，都無辦法
希望試後活動可以攪多些不同的活動
例如出外參觀，我女的學校的試後活動比較有教育意義
但啊女學校有好多日子唔需要返學
啊女成日無學返係屋企好悶（未正式放假又好難自己安排活動）
起碼我地班仔日日有學返…

csylau

我覺得係喇沙讀，只要你唔諗名次有冇獎，第時大學讀神科，平平穩穩升書院升大學，一定唔會比出面差，點都係面果批。我見我仔小學同初中都係玩玩玩，LSC老師仲話如果諗住只讀書唔玩，喇沙唔啱你！哈！我仔中三開始選科先努力，中四先正正式式補專科，英文同物理，可以入HKU，都算係咁啦。只希望佢出黎做嘢順順利利就夠。其實入左喇沙，已經贏咗，其他等佢哋自己攪掂，有個開心學校生活

lokwing2000

jennylady 發表於 25-6-4 23:43
呢個真啊好難做到科一可以影相
有時候亦要睇好唔好彩睇
有d 班98已經最高分可以影相

要五科全都影相真係好難, 而且每一班成績都有唔同, 上到中學又會全洗牌。

lokwing2000

csylau 發表於 25-6-5 07:25
我覺得係喇沙讀，只要你唔諗名次有冇獎，第時大學讀神科，平平穩穩升書院升大學，一定唔會比出面差，點都係 ...

現在我仔仔還是最喜歡打機, 比較宅男。佢找不到學校有咩活動可以更吸引佢, 真係比較頭痛。

csylau

回覆 lokwing2000 的帖子

咁要鼓勵佢多啲運動。我仔自中一參加手球校隊後長高不少，而且有滿足感。平時佢都係宅男在家打機，但一提到練波就好積極！

柯士甸爸爸

jennylady 發表於 25-6-5 01:01
原來之前咁多討論講LS vs 友校
我作為LSPS 家長
其實我真係覺得LSPS 算好好，

我剛睇番樓上其他網友留言，我都吾太認同話喇小活動少。就以喇小樂團為例，全港小學有幾多間係可以有齊聲樂團，中樂團，中鼓隊，管樂弦樂團？重要係每團多仔到要分初高/初中高團！？我諗用兩隻手應該數得曬啦。。當然，d仔鍾吾鍾意玩係另一回事。如果仔對學校冇歸屬感甚至討厭學校，咁再多活動都係冇用。

jennylady

柯士甸爸爸 發表於 25-6-4 22:26
做得切代表你仔冇問題啦，吾洗擔心。話時語書院數學d功作紙補充練習功課又真係多到一個點。。。仔成日怨做 ...

今日啊仔話，老師話數學平均分好低，考得好差第二學期個mean 得六十幾
今次又係差，唔知道掂攪
其實望過d quiz 唔係難
可能真係時間緊逼

Science 又係有叻仔題
問的實驗書沒有（當然concept 係一樣）

jennylady

lokwing2000 發表於 25-6-5 10:30
要五科全都影相真係好難, 而且每一班成績都有唔同, 上到中學又會全洗牌。
...

五科全部又難d 但班一二個d 會有兩三科有相影
校長認得個d 人
小兒一年有少少影相已經算好開心
他有得同校長影相都會開心返來講

lokwing2000

jennylady 發表於 25-6-5 14:54
五科全部又難d 但班一二個d 會有兩三科有相影
校長認得個d 人
小兒一年有少少影相已經算好開心

你仔仔P4 or P5? 阿仔P4, 話今個學期數學考試算唔深, 可以做得哂。反而第二學期大部分同學仔包括佢都做唔晒。講起影相, 佢話有班有個同學仔超勁, 差不多科科都影相, 佢話好彩冇同佢一班   

csylau

其實有啲細路天生記性好，上完堂唔溫書都無問題。有啲未開竅上完堂好似發左場夢咁
最緊要大左之後識諗識努力。我仔小學及初中都唔係突出，但佢中三有左目標，選科選自己鍾意嘅科目，讀得開心，成績自然好。
小學只要唔係太差，普普通通都應該過到馬路。阿囝升中時老師話，如果B3升唔番書院，免強收番你都未必讀得上，不如讀B2A學校，成績好自然讀得開心。
我都明白小學階段擔心一定有，但作為過來人，學習開心係最影響到佢哋將來。
喇沙宗旨有教無類，佢一直都唔轉直資，係希望所有喇沙仔受到優質教育，所以又唔覺得為左DSE成績好而唔收番喇沙仔收外來生。我覺得書院收外來生反而注重係運動健將。
佢哋一直習慣喇沙學習模式，有佢哋自己優勢。佢哋未必年年有狀元，但DSE成績都幾平均和穩定。
好好享受12年喇沙仔學習生活！

jennylady

柯士甸爸爸 發表於 25-6-5 11:21
本帖最後由 柯士甸爸爸 於 25-6-5 11:49 編輯

我剛睇番樓上其他網友留言，我都吾太認同話喇小活動少。 ...

係啊。我覺得要好忙係可以好忙好多野玩唔係精英亦可以參加PTA 活動
津校來講，仲想點
我仔讀得好開心。日日返學都好開心

jennylady

lokwing2000 發表於 25-6-5 15:15
你仔仔P4 or P5? 阿仔P4, 話今個學期數學考試算唔深, 可以做得哂。反而第二學期大部分同學仔包括佢都做唔 ...

p4 啊，今日數學老師話考得好差啊。希望唔好好似第二學期咁我仔剛好做得切兩三分鐘剩
我仔話今次有「叻人」做唔切
我仔都話唔難但成績又係另外一回事
成日會唔小心架，無眼睇


我仔咪話校長認得個個同學。
校長會打招呼… hello xxxxx

jennylady

csylau 發表於 25-6-5 16:21
其實有啲細路天生記性好，上完堂唔溫書都無問題。有啲未開竅上完堂好似發左場夢咁
最緊要大左之後識 ...

聽到你咁講真係放心晒。暫時來講我仔讀得好開心唔洗係外面搏殺已經好好。

jennylady

csylau 發表於 25-6-5 07:25
我覺得係喇沙讀，只要你唔諗名次有冇獎，第時大學讀神科，平平穩穩升書院升大學，一定唔會比出面差，點都係 ...

係啊，可以好似你個仔咁叻就好睇到你咁講我都好開心
我望到變長頸鹿

lokwing2000

jennylady 發表於 25-6-5 17:11
p4 啊，今日數學老師話考得好差啊。希望唔好好似第二學期咁我仔剛好做得切兩三分鐘剩
我仔話今次有「叻人」 ...

我仔三年班嗰陣時仲話要追趕呢位同學仔, 但追咗一年, 四年班就已經冇再講了       

lokwing2000

csylau 發表於 25-6-5 16:21
其實有啲細路天生記性好，上完堂唔溫書都無問題。有啲未開竅上完堂好似發左場夢咁
最緊要大左之後識 ...

多謝你的資訊, 希望我個仔上到中學時候, 可以學會自己學習, 不用家長陪讀

jennylady

lokwing2000 發表於 25-6-5 20:12
我仔三年班嗰陣時仲話要追趕呢位同學仔, 但追咗一年, 四年班就已經冇再講了     ...

我覺得喇沙小四開始加深，尤其數學啊。個mean 突然變了六十幾。我仔P3 數學都仲有九字頭，小四全部人都跌，（班一二個d依然9字。）
我覺得喇沙幾好，大家有良性競爭，都有目標。
考第一個個有同我仔講，數學考試做學校功課唔夠，叫我仔要買補充做
都好有心架。

jennylady

lokwing2000 發表於 25-6-5 20:13
多謝你的資訊, 希望我個仔上到中學時候, 可以學會自己學習, 不用家長陪讀
...

我地都係四年班？我仔今年開始可以半陪讀喇
因爲我同妹妹溫書，初頭幫唔到個仔溫
他自己溫住先，我等妹妹考完先理他
之後都次問書就算
睇下今次成績點喇….
不過明年程分，應該唔可以放手了

柯士甸爸爸

jennylady 發表於 25-6-5 22:21
我覺得喇沙小四開始加深，尤其數學啊。個mean 突然變了六十幾。我仔P3 數學都仲有九字頭，小四全部人都跌， ...

如果仔有參加開坊間果d數學比賽，都會有少少(係少少)幫助。

jennylady

柯士甸爸爸 發表於 25-6-5 23:13
如果仔有參加開坊間果d數學比賽，都會有少少(係少少)幫助。

我仔咩數學都無學，但舊年都有幸被老師揀去數學校隊。（好似math competitions 第一就有得參加？）老師叫我仔要去學奧數，不過我仔唔想學但他做題時又話好玩
我真係無谷個仔，他唔想就算
明日math competition 我仔話hea 做
唔想入隊（不過今年班有幾個數學叻，我仔應該無份）